काठमाडौँ । जाडोमा रुघाखोकीको समस्याले धेरैलाई सताउने गरेको पाईन्छ । वास्तवमा जाडोमा शरीरको रोग प्रतिरोधी क्षमता कमजोर हुन्छ, जसका कारण रोगको जोखिम बढ्छ । यस्तो अवस्थामा जाडो मौसममा यस्ता चीजहरूको सेवन गर्नुपर्छ, जसले गर्दा शरीरलाई न्यानोपन मिल्छ ।

जाडो मौसममा धेरैजसो मानिसले चिया पिउने गर्छन् । तपाईले अदुवा र अलैंची हालेको चिया त खानु भएको होला । तर, के तपाईंले कहिल्यै ल्वाङको चिया पिउनुभएको छ ? हो, भान्सामा मसलाको रूपमा प्रयोग गरिने ल्वाङबाट ​​बनेको चिया स्वास्थ्यका लागि निकै फाइदाजनक हुन्छ । आयुर्वेदका अनुसार ल्वाङ धेरै रोगको उपचारमा फाइदाजनक हुन्छ ।

ल्वाङमा मिनरल्स, एन्टिअक्सिडेन्ट, एन्टी माइक्रोबियल, एन्टि भाइरल र एनाल्जेसिक गुण पाइन्छ, जुन स्वास्थ्यका लागि निकै फाइदाजनक हुन्छ । ल्वाङको चिया पिउनाले रुघाखोकी, कफ, ज्वरो र संक्रमणको समस्या हट्छ । दैनिक ल्वाङको चिया पिउनाले स्वास्थ्यलाई अन्य धेरै फाइदा पनि दिन्छ ।

जाडोमा रुघाखोकीको समस्याले मानिसलाई सबैभन्दा बढी सताउने गरेको छ । यस्तो अवस्थामा ल्वाङको चिया पिउनु निकै फाइदाजनक हुन्छ । वास्तवमा, ल्वाङमा एन्टिभाइरल, एन्टिमाइक्रोबियल र एन्टिसेप्टिक गुण हुन्छ, जसले संक्रमणसँग लड्न मद्दत गर्छ । ल्वाङको चिया पिउनाले रुघाखोकी निको हुन्छ ।

ल्वाङको चिया पिउनाले दाँतको दुखाईमा धेरै आराम मिल्छ । ल्वाङमा एन्टी ब्याक्टेरियल र एन्टी इन्फ्लेमेटरी गुण हुन्छ, जसले दाँतको दुखाइ कम गर्न मद्दत गर्छ । यसका साथै ल्वाङको चिया पिउँदा सासको दुर्गन्ध र पायोरिया निको हुन्छ । यदि तपाईं दाँत वा गिजामा दुखाइ र सुन्निने समस्याबाट हैरान हुनुहुन्छ भने ल्वाङको चिया सेवन गर्नुहोस् ।

जाडोमा साइनस र छातीमा कफ जम्ने समस्या निकै बढ्छ । ल्वाङको चिया पिउनाले साइनस र कफको समस्यामा धेरै राहत मिल्छ । ल्वाङको चिया दैनिक पिउनाले छातीमा जम्मा भएको कफ बाहिर निस्कन्छ, जसले साइनस र दम जस्ता समस्याबाट धेरै राहत दिन्छ ।

ल्वाङको चिया पिउनाले पाचन प्रणालीलाई पनि स्वस्थ राख्छ । दिनहुँ एक कप ल्वाङको चिया पिउनाले पाचन प्रक्रिया सहज हुन्छ । पेटमा ग्यास, अपच र कब्जियत जस्ता समस्यामा ल्वाङको चिया सेवन गर्नु निकै फाइदाजनक हुन्छ । ल्वाङको चिया पिउँदा पाचन प्रक्रियामा मद्दत पुग्छ र एसिडिटीको समस्या पनि हट्छ ।