काठमाडौं । सत्तारुढ भारतीय जनता पार्टीको निम्तोमा दिल्ली पुगेका नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ प्रधानमन्त्री नरेन्द्र मोदीलाई नभेटी स्वदेश फर्किने भएका छन् ।

भ्रमणका अन्तिम दिन आज आइतबार प्रचण्डले भारतीय जनता पार्टीका अध्यक्ष जेपी नड्डासँग भेटवार्ता गरेका थिए । मोदीसँग भेट हुने भनिए पनि अन्तिममा समय नमिलेको जानकारी आएपछि प्रचण्ड स्वदेश फर्किन लागेका हुन् ।

प्रचण्डले दिल्ली जाने क्रममा विमानस्थलमा पत्रकारहरूसँग कुरा गर्दा मोदीसँग पनि आफ्नो भेट हुने बताएका थिए । यसपटक उनले भारतीय सरकारको तर्फबाट विदेशमन्त्री एस जयशंकरसँगमात्र भेट पाएका छन् ।