काठमाडौँ । नेपाली कांग्रेसका महामन्त्री गगन थापाले अहिलेको गठबन्धन पूरा समय चल्ने बताएका छन् । कांग्रेस रुपन्देहीले आयोजना गरेको कार्यक्रमलाई सम्बोधन गर्दै साढे ३ वर्षमा उनले कुनै पनि उथलपुथल नहुने बताएका हुन् ।

नेकपा एमालेको उपद्रोलाई आफूहरूले रोक्ने र कांग्रेसले चकचक नगर्ने बताउँदै महामन्त्री थापाले अहिलेको सत्ता गठबन्धन पूरा समय चल्ने दाबी गरे । उनले कांग्रेस र एमाले निश्चित उद्देश्य पूरा गर्नका लागि सरकार बनाएकाले त्यसलाई पूरा गर्ने बताए । विगतमा पनि कांग्रेस र एमाले मिलेर बनाएका सरकारले आफ्नो उद्देश्य पूरा गरेको पनि दाबी गरे ।

महामन्त्री थापाले संविधान गतिशील दस्ताबेज भएकाले समयको आवश्यकता अनुसार संशोधन गर्दै जानु पर्ने बताए ।