काठमाडौं । गोरेटो एजुकेशनल कन्सल्टेन्सीले आर्थिक वर्ष २०८०/८१ मा ईक्यान (ECAN) सदस्यहरूबीच दोस्रो उच्च करदाता प्रमाणपत्र प्राप्त गरेको छ । सो सम्मान ईक्यानको २९औं वार्षिक दिवसको अवसरमा प्रदान गरिएको हो ।

समारोहमा सञ्चार तथा सूचना प्रविधिमन्त्री एवं नेपाल सरकारका प्रवक्ता माननीय पृथ्वीसुब्बा गुरुङ, संघीय संसदका सांसद तथा पूर्व मन्त्री माननीय योगेश भट्टराई, ईक्यान अध्यक्ष सेशराज भट्टराई, महासचिव दीपकराज भुसालसहितका व्यक्तिहरूको उपस्थितिमा गोरेटोलाई सम्मान गरिएको थियो ।

यो सम्मान गोरेटो शैक्षिक परामर्शको नैतिक अभ्यास, पारदर्शिता र नेपालको अर्थतन्त्रमा योगदानप्रतिको प्रतिबद्धताको प्रतीकका रूपमा व्याख्या गरिएको छ । साथै, विद्यार्थीहरूलाई विश्वव्यापी अवसरतर्फ अघि बढाउने यात्रामा निरन्तर साथ दिँदै आएको गोरेटोको सफलतालाई यसले थप पुष्टि गरेको छ ।