Logo

बागमती पेज

श्रावण १०, २०७९ मंगलबार

पछिल्लो समय कोरोना भाइरसको संक्रमण दर बढ्दै


नेपालमा पछिल्लो समय कोरोना भाइरसको संक्रमण दर बढ्दै गएको छ । सोमबार स्वास्थ्य तथा जनसङ्ख्या मन्त्रालयले जनाए अनुसार पछिल्लो २४ घण्टामा ५६८ जनामा कोभिड–१९ सङ्क्रमण पुष्टि भएको छ ।

नेपालमा तीन साता यता लगातार सङ्क्रमितको ग्राफ तीव्र गतिमा उकालो लागेको छ । यसरी सङ्क्रमण बढ्नुको कारण ओमिक्रोनको नयाँ भेरियन्ट बीए ५ नै रहेको विज्ञहरू बताउँछन् ।

कोभिड–१९ सङ्क्रमितको सङ्ख्या दैनिक उकालो लागिरहेका कारण चौथो लहर सुरु भएको टिप्पणी पनि भइरहेको छ ।

नेपालमा कोभिड–१९ का अघिल्ला लहरहरू र विश्वमा फैलिएको नयाँ भेरियन्ट बीए ५ सङ्क्रमणको अवस्थालाई हेर्दा निकट भविष्यमा सङ्क्रमणको ग्राफ नेपालमा कुन तहसम्म पुग्न सक्छ भन्नेबारे पनि चासो बढेको छ ।

कोरोना संक्रमणबाट जोगिन उच्च सर्तकता अपनाउन विज्ञहरुको सुझाव छ ।