काठमाडौं । वैशाख ५ गतेबाट सुरु हुने एसीसी प्रिमियर लिगका लागि नेपाल क्रिकेट संघ (क्यान)ले त्रिवि क्रिकेट मैदान, कीर्तिपुरको मर्मत कार्य तीव्र रुपले अघि बढाएको छ ।

नेपालको एकमात्र अन्तर्राष्ट्रिय भेन्यूका रुपमा प्रयोग हुँदै आएको कीर्तिपुर मैदानमा मैदानबाहिरका अधिकांश पूर्वाधारलाई सम्भव भएसम्म अन्तर्राष्ट्रियस्तरको बनाइँदैछ ।

क्यानले यो प्रतियोगिताका खेलहरु कीर्तिपुर र मूलपानी मैदानमा खेलाउनेछ । दुवै मैदानको तयारी अन्तिम चरणमा पुगेको क्यानका कोषाध्यक्ष रोशनकुमार सिंहले बताए ।

त्रिविमा मैदान र पीचको स्तरोन्नत्तिका साथसाथै रंगशाला क्षेत्रमा सरसफाइ, तारजाली मर्मत, पर्खाल र गेट निर्माणदेखि सजावट तथा विभिन्न कक्षहरु व्यवस्थापनको काम भइरहेको छ ।