काठमाडौं । आदिम नेशनल कलेजले सार्क एजुकेशन अवार्ड २०२५ अन्तर्गतको ‘इमर्जिङ आईटी कलेज अवार्ड’ प्राप्त गर्न सफल भएको छ । उक्त अवार्ड पूर्वप्रधानमन्त्री झलनाथ खनालले प्रदान गर्नुभएको हो ।

कलेजका प्रिन्सिपल शंकर प्रसाद शर्माले संस्थाको तर्फबाट यो प्रतिष्ठित सम्मान ग्रहण गर्नुभयो । यस सम्मानले कलेजले सूचना प्रविधि शिक्षामा देखाएको निरन्तर प्रतिबद्धता र उत्कृष्टतालाई थप उच्च सम्मान दिलाएको कलेजले जनाएको छ ।

कलेजले आयोजक संस्था तथा सबै सहयोगीलाई हार्दिक धन्यवाद ज्ञापन गर्दै यो अवार्डले नेपालको शिक्षा क्षेत्रलाई अझ प्रभावकारी बनाउन आफ्नो यात्रामा थप ऊर्जा प्रदान गर्ने विश्वास व्यक्त गरेको छ ।