व्यापार सहजीकरण र हवाई सेवा विस्तारमा चेम्बरको श्रीलंकाका राजदूतसँग पहल

काठमाण्डु – नेपाल चेम्बर अफ कमर्सको पदाधिकारी टोली र नेपालका लागि श्रीलंकाका राजदूूत रुवान्थी डेल्पितीयाबीच २ देशको व्यापार सहजीकरण एवं हवाई सेवा विस्तार गर्ने विषयमा छलफल भएको छ ।

नेपाल र श्रीलंकाबीच कूुटनीतिक सम्बन्धका साथै सामाजिक, सांस्कृतिक र धार्मिक सम्बन्ध ऐतिहासिक रहेको पृष्ठभूूमिमा व्यापार सहजीकरण गर्दै हवाई सेवा विस्तार गरेर पर्यटन क्षेत्रमा दुुवै देशले लाभ लिन सक्नुुपर्ने विषयमा छलफल भएको थियो ।
राजदूूत डेल्पितीयासँग चेम्बर अध्यक्ष कमलेश कुुमार अग्रवालले नेपाल श्रीलंकाबीचको व्यापारको आकार वार्षिक औसतमा मुुस्किलले २ दशमलव ५ मिलियन अमेरिकी डलर मात्रै रहेको र नेपालको निर्यात निकै कम रहेको बताए । नेपालले १ दशमलव ४० मिलियन अमेरिकी डलर बराबरको वस्तुु आयात गर्दा ० दशमलव ७० मिलियन डलरको मात्रै निर्यात गरिरहेको अध्यक्ष अग्रवालले बताए ।

दुवै देशका चेम्बर प्रतिनिधिहरूबीच द्विपक्षीय भेटवार्ता, हवाई सेवा विस्तार गरेर पर्यटक आवागमनमा वृद्धि, कृृषि तथा जलविद्युुत्, सूूचना प्रविधि तथा डिजिटल व्यापार, भौतिक पूर्वाधार तथा निर्माण जस्ता क्षेत्रमा दुुईपक्षीय लगानी एवं व्यापार सहजीकरण गर्नेबारे राजदूतसमक्ष चेम्बरले प्रस्ताव गरेको थियो ।

चेम्बरले हप्तामा कम्तिमा एउटा उडान श्रीलंका–लुुम्बिनी एवं लुुम्बिनी श्रीलंका सीधा हवाई सेवा सञ्चालन गरेर पर्यटकहरू आकर्षित गर्न सकिने धारणा राखेको छ । यसबाट श्रीलंका बौद्ध धर्मावलम्बीहरूलाई नेपालमा आकर्षित गर्न सकिने अध्यक्ष अग्रवालले बताए ।

श्रीलंका भ्रमणका लागि जाने नेपाली पर्यटकहरूलाई फ्री भिसाको व्यवस्था गर्न समेत चेम्बरले आग्रह गरेको छ । चेम्बर पदाधिकारीहरूसँगको भेटवार्ताका क्रममा राजदूत डेल्पितीयाले नेपालसँग व्यापार अभिवृद्धिबारे सम्भावनाका विभिन्न विकल्प तथा व्यापार सहजीकरणका लागि आफूले पहल गरिरहेको बताए । श्रीलंकामा आगामी जुुनमा हुने अन्तर्राष्ट्रिय व्यापार मेलामा सहभागिता जनाउन चेम्बर पदाधिकारीसमक्ष उनले आग्रह गरेका छन् ।