काठमाडौं । पछिल्लो २४ घण्टामा थप १९८० जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार १० हजार ३८१ जनामा गरिएको परीक्षणमा १९८० जना संक्रमित भेटिएका हुन् ।

योसँगै संक्रमितको कुल संख्या २ लाख २२ हजार २ सय ८८ जना पुगेको छ ।

कहाँ कति संक्रमित ?
पछिल्लो २४ घण्टामा काठमाडौमा ७७९, ललितपुरमा १४३, झापामा १०६, भक्तपुरमा ८५, चितवनमा ८३, कास्कीमा ७०, काभ्रेपलाञ्चोक र मकवानपुर ५४/५४, दाङमा ५१, सुनसरीमा ५०, रुपन्देहीमा ४७ जनामा संक्रमण पुष्टि भएको छ ।

त्यस्तै गोरखामा ३८, मोरङमा ३७, कैलालीमा २६, नवलपरासी पूर्वमा २०, दोलखा, नुवाकोट, तनहुँ र बागलुङमा १६/१६, पर्सा र बाँकेमा १५/१५ जना, धादिङमा १४, सिन्धुपाल्चोकमा १३, संखुवासभा, सप्तरी र प्युठानमा १२/१२ जनामा संक्रमण पुष्टि भएको छ ।

ताप्लेजुङ र कपिलवस्तुमा ११/११, पाल्पामा १०, नवलपरासीमा ९, स्याङ्जा र जुम्लामा ८/८, डडेल्धुरामा ७, संखुवासभा, रसुवा, पर्वत, सल्यान र कञ्चनपुरमा ६/६, इलाम, म्याग्दी, लमजुङ, बर्दिया र सुर्खेतमा ५/५ जना संक्रमित भेटिएका छन् ।

उदयपुर, बारा, रौतहट र सिराहामा ४/४, खोटाङ, धनुषा, सर्लाही, रामेछाप, सिन्धुली, अर्घाखाँची, दैलेख र डोटीमा ३/३, ओखलढुंगा, भोजपुर, महोत्तरी, गुल्मी, बैतडी र अछाममा २/२, तेह्रथुम, पाँचथर, कालीकोट र बझाङमा १/१ जना संक्रमित भेटिएका मन्त्रालयले जनाएको छ ।