सिन्धुली । ईलाका प्रहरी कार्यालय कपिलाकोट सिन्धुलीमा कार्यरत प्रहरी निरीक्षक (इन्सपेक्टर) मेघराज प्रसाद चौरसियालाई गृह मन्त्रालयले निलम्बन गरेको छ ।

गृहसचिव स्तरीय निर्णयअनुसार उनलाई निलम्बन गरिएको प्रहरी प्रधान कार्यालयले जनाएको छ । कर्णाली प्रदेश ट्राफिक प्रहरी कार्यालयमा बस्दा उनले आर्थिक अनियमितता गरेको बताइएको छ ।

आफ्नो दायित्व पूरा नगरी प्रहरी नियमावली–०७१ विपरित आचरण व्यवहार गरेको र गैरव्यवसायिक काम गरेको छानविनबाट पुष्टि भएको प्रहरी प्रधान कार्यालयले जनाएको छ ।

कर्णाली प्रदेशमा रहँदा आर्थिक अनियमिता गर्ने प्रहरी उपरीक्षक रामेश्वर प्रसाद यादव र विमल बस्नेलाई पनि ६ महिनाको लागि गृह मन्त्रालयले निलम्बन गरेको छ ।