Logo

बागमती पेज

भाद्र ११, २०७८ शुक्रबार

ट्रक दुर्घटनामा सिन्धुलीका युवाको ज्यान गयो, दुई घाईते


काठमाडौं । मालबाहक ट्रक दुर्घटना हुँदा सिन्धुलीका एक युवाको घटनास्थलमै मृत्यु भएको छ । दुर्घटनामा अन्य दुई घाईते भएका छन् ।

मालबाहक ट्रक अनियन्त्रित भई खोलामा खस्दा सिन्धुलीका २८ वर्षिय भोजराज बस्नेतको ज्यान गएको हो ।

भीमफेदी गाउँपालिका-१ को सानुटार नजिकबाट फलाम बोकेको ट्रक अनियन्त्रित भई राप्ती खोलामा खस्दा ट्रकमा सवार बस्नेतको ज्यान गएको जिल्ला प्रहरी कार्यालयका प्रवक्ता प्रहरी नायब उपरीक्षक जयश्वर रिमालले जानकारी दिए ।

https://subisu.net.np/

त्रिभुवन राजपथ हुँदै काठमाडौँ आउँदै गरेको प्रदेश१-०२-००१ ख ८७५९ नम्बरको ट्रक अनियन्त्रित भएर दुर्घटना भएको र बस्नेतको घटनास्थलमै ज्यान गएको रिमालले बताए ।

दुर्घटनामा ट्रक चालक मोरङ सुन्दरहरैचाका राजन बाँस्कोटा र सहचालक सोही ठाउँका सरोज आचार्य घाइते भएकाले उनीहरुको हेटौँडास्थित चुरेहिल अस्पतालमा उपचार भइरहेको प्रहरीले जनाएको छ ।