ईलाममा ‘स्वास्थ्य तथा सुख–शान्ति कार्यक्रम’ सफलतापूर्वक सम्पन्न — सहभागीले पाए मन–शरीरमा गहिरो शान्तिको अनुभूति

ईलाम — आर्ट अफ लिभिङ नेपालद्वारा सञ्चालित स्वास्थ्य तथा सुख–शान्ति कार्यक्रम आज ईलाममा अत्यन्त सफलतापूर्वक सम्पन्न भएको छ। अनुभवी प्रशिक्षक सन्जय महर्जनको निर्देशनमा सञ्चालन गरिएको यो कार्यक्रम ईलाम नगरपालिकाको कार्यालय, जिल्ला प्रशासन कार्यालय ईलाम, र उच्च अदालत ईलाममा सम्पन्न भएको हो।

कार्यक्रममा सहभागीहरूले सुदर्शन क्रिया तथा स्वास–प्रश्वासका विशेष साधना विधिहरू सिक्दै तनाव हलुका भएको, मानसिक स्पष्टता बढेको तथा भित्री शान्तिको गहिरो अनुभूति भएको बताएका छन्।

सरकारी निकायका कर्मचारीदेखि स्थानीय बासिन्दासम्म सबै सहभागीले यस्ता ध्यान–आधारित अभ्यासमा नियमित सहभागिताले स्वास्थ्य, मानसिक सन्तुलन र जीवनमूल्यमा उल्लेखनीय सुधार आउने विश्वास व्यक्त गरेका छन्।

संस्थाले ईलाममा यस्ता स्वास्थ्यमूलक र ध्यान–आधारित कार्यक्रमहरू निरन्तर विस्तार गर्दै लैजाने जनाएको छ।