काठमाडौँ । हास्य कलाकार ‘बल्छी ध्रुवे’ अर्थात मरिचमान श्रेष्ठले लोकदोहोरी गीत ‘आँखै लाउनी हो’ बजारमा ल्यायका छन् । कमेडी सिरियल, , ‘जुठे’ लगायतमा अभिनय गरेका ‘बल्छी ध्रुवे​’ ले लोकदोहोरी गीत ल्याएका हुन् ।

श्रेष्ठकै संगीतमा रहेको गीत रमेश बिजीले लेखेका हुन् । गायनमा भने श्रेष्ठलाई सपना घिमिरेले साथ दिएकी छन् । रोमान्टिक शैलीमा तयार पारिएको गीतमा मन परेको केटी पाउन एउटा केटा पछि लागेको प्रसंग समेटिएको छ ।

गीतको भिडियो पनि निर्माण भएको छ । भिडियोमा श्रेष्ठकसँगै सरिता ढुङ्गाना, राजु पौडेल, उज्ज्वल खड्का, राजु कार्की लगायतको अभिनय छ ।

राजु थापाको छायांकन, मनोज कार्कीको सम्पादन रहेको भिडियोको कोरियोग्राफी तथा निर्देशन दीपेन्द्र तिमल्सिनाले गरेका हुन् ।