काठमाडौं । त्रिभुवन अन्तर्राष्ट्रिय विमानस्थलको पार्किङ क्षेत्रबाट प्रहरीले एक जनालाई पक्राउ गरेको छ ।

बुधबार दिउँसो ४२ वर्षीया शान्ति गौतमलाई उक्त स्थानबाट करिव १ सय ग्राम बराबरको सुन जस्तो देखिने पहेलो धातुको १ थान औंठी र १ थान सुनको बाला सहित पक्राउ गरेको हो ।

लमजुङ बाग्लुङपानी गाउँपालिका-१ घर भएकी उनलाई एअर अरेबियाको उडानद्वारा दुबईबाट काठमाडौं आगमन भएका यात्रुलाई भन्सार छली गर्न लगाई अवैध रुपमा उक्त धातु लैजान लागेको अवस्थामा पक्राउ गरेको छ ।

यस सम्बन्धमा थप अनुसन्धान गरिरहेको प्रहरीले जनाएको छ ।