Logo

बागमती पेज

बैशाख ४, २०७९ आईतबार

रोनाल्डोले बनाए नयाँ कीर्तिमान


काठमाडौं । पोर्चुगिज स्टार क्रिस्टियानो रोनाल्डो विश्व फुटबलमा क्लब र देशका लागि थुप्रै कीर्तिमानहरू बनाए ।

म्यानचेस्टर युनाइटेडका स्टार खेलाडी रोनाल्डो आफ्नो फुटबल अर्काे नयाँ कीर्तिमान बनाएका छन् । उनी अब क्लब फुटबलमा लगातार १६ सिजनमा २० गोल गर्ने खेलाडी बनेका छन् ।

शनिबार भएको प्रिमियर लिग अन्तर्गत चर्विच सिटी विरुद्धको खेलमा उनले ह्याट्रिक गरेका थिए । यसअघि रेलिगेसन जोनमा संघर्ष गरिरहेको एभर्टसँग पराजित भएको युनाइटेडलाई रोनाल्डोले शनिबारको खेलमा प्रभावशाली जित दिलाएका थिए ।

https://subisu.net.np/

रोनाल्डोको नाममा यो व्यक्तिगत रेकर्ड पनि बनेको छ । ३७ वर्षीय रोनाल्डोले खेलको सातौं मिनेटमा गोल गर्दै युनाइटेडलाई अग्रता दिलाएका थिए ।​ एन्थोनीको पासमा उनले गोल गरेका थिए । ३२ औं मिनेटमा कर्नरबाट आएको पासलाई हेड मार्फत सदुपयोग गर्दै रोनाल्डोले लगातार १६ सिजनमा २० गोल गर्ने खेलाडीको कीर्तिमान बनाएका हुन् ।