Logo

बागमती पेज

असार २७, २०७९ सोमबार

संवैधानिक परिषद् सम्बन्धी विधेयक फिर्ता लिन योगेश भट्टराईको माग


काठमाडौं । नेकपा एमालेका सचिव योगेश भट्टराईले संवैधानिक परिषद् सम्बन्धी विधेयक फिर्ता लिन माग गरेका छन् ।

राष्ट्रियसभामा दर्ता भएको उक्त विधेयक संविधानको अक्षर र भावना बिपरीत भएकाले फिर्ता लिनुपर्ने भट्टराईले माग गरेका छन् ।

‘सार्वभौमसत्ता सम्पन्न जनताका प्रतिनिधिहरुले राष्ट्रिय सहमतिको रुपमा जारी गरेको नेपालको संविधानको अक्षर र भावना बिपरीत सरकारले हालै राष्ट्रियसभामा पेश गरेको संवैधानिक परिषद् सम्बन्धी विधेयकको विरोध गर्दछु’, भट्टराईले लेखेका छन् ।

सत्तामा बस्नेहरुले संविधान भत्काउने नभएर रक्षा गर्ने दायित्व पूरा गर्नुपर्ने पनि उनले उल्लेख गरेका छन् । ‘सत्तामा बस्नेहरुले आफ्नो अनुकुल संविधान भत्काउने होइन, बरु संविधान अनुकुल चल्ने र संविधानको रक्षा गर्ने दायित्व हुन्छ भन्ने भुल्न हुँदैन’, भट्टराईले लेखेका छन् ।