काठमाडौं : भारतीय कांग्रेसको नयाँ अध्यक्ष चयनका लागि सोमबार मतदान हुँदैछ । यसै क्रममा अन्तरिम अध्यक्ष सोनिया गान्धी र महासचिव प्रियङ्का गान्धी मतदानका लागि दिल्लीस्थित पार्टी मुख्यालय पुगेकी थिइन् । राहुल गान्धीले कर्नाटकको बेल्लारीमा मतदान गर्नेछन् ।

पार्टी अध्यक्ष पदका लागि मल्लिकार्जुन खर्गे र शशि थरुरबीच प्रतिस्पर्धा छ । यसका लागि देशभरका ४० केन्द्रमा ६८ बुथ स्थापना गरिएको छ । यी मतदान केन्द्रहरूमा करिब ९,८०० मतदाताहरूले शशि थरुर र मल्लिकार्जुन खर्गे मध्ये कुनै एकलाई मतदान गर्नेछन्।

बिहान १० बजेदेखि बेलुकी ४ बजेसम्म मतदान प्रक्रिया चल्नेछ । नतिजा बुधबार पार्टी मुख्यालय अकबर रोड, दिल्लीमा घोषणा गरिनेछ। यस निर्वाचनको विशेषता भनेको विगत २२ वर्षमा पहिलोपटक राष्ट्रपतिको निर्वाचनमा मतदानको अवस्था आएको हो । – एजेन्सी