काठमाडौं । बूढानीलकण्ठ नगरपालिका प्रमुख उद्दव खरेल कोरोनालाई जितेर जनसेवामा फर्किएका छन् । आफ्नो सवारीका चालकलाई कोरोना संक्रमण पुष्टि भएपश्चात् कन्याक्ट ट्रेसिङ्गमा परिक्षण गर्दा संक्रमण देखिएका खरेलको पछिल्लो समय गरेको परिक्षणमा नतिजा नेगेटिभ आएपछी पुन:नियमित काममा फर्किएका हुन् ।

सुरक्षा मापदण्ड पुरा गर्दै होम आइसोलेसनमा रहेका नगर प्रमुख खरेलले कोरोनालाई पराजित गरे संगै आफुमा कुनै पनि किसिमका लक्षण नदेखिएकै कारण पनि यस रोगलाई परास्त गर्न अझ सहज भएको प्रतिक्रिया दिएका छन् ।

कोरोना प्रकोप नियन्त्रण तथा रोकथाम अभियानको अग्र मोर्चामा रहेर सक्रिय नगरप्रमुख खरेलले बलियो आत्मविश्वास र सजगताले सजिलै कोरोनालाई पराजित गर्न सकिने बताउदै यस विरुद्ध लडदै गर्दा सदभाव ,सहानुभूति र चिन्ता व्यक्त गर्ने सबैलाई धन्यवाद दिए ।